//之但係，高教主都話過上帝係會出手幫你。如果件事未成功，只係上帝未出手。今次上帝出手比得上stephen curry咁快，估唔到第二日就安排一個活潑開朗嘅女仔比我。//
《EP04 - 人潮內越文靜越變得不受理睬...》
經過第一天嘅試煉，很有逃回香港的想法。對於一個鍵盤戰士黎講，keyboard比口更加能夠表達自己。心裏明白，瑞意和天堂鳥同我嘅交流，九成係出於禮貌。原來台灣都係禮儀之邦。
一晚嘅休息並無令我心情平伏，反而更加驚見到跟住落黎嘅女仔。今日去到台灣一間大學，正常人聽到「學生妹」三個字都應該興奮到扯晒......哮！
能夠接觸下啲後生吸收佢地嘅青春氣息係幾咁開心。只可惜，呢刻嘅我只係將「學生妹」連繫到「代溝」兩個字，令原本已經好難溝通嘅狀況變得更難。
之但係，高教主都話過上帝係會出手幫你。如果件事未成功，只係上帝未出手。今次上帝出手比得上stephen curry咁快，估唔到第二日就安排一個活潑開朗嘅女仔比我。
聽到佢個名「憶圻」，國語讀上黎就係「一起」嘅音。唔通，連個天都鍾意左我？傾談之下發現佢同我係同年，佢表現出嘅嗰份興奮令我發現所有擔心都係假。之前嘅氣氛尷尬只係因為我未遇到啱自己嘅女仔，睇黎「是對的始終會碰到...」呢單野唔係流，張敬軒好野！
憶圻雖然唔係嗰種美若天仙嘅女仔，但憑住開朗嘅外在，加上讀跳舞系嘅佢所擁有嘅嗰種藝術內涵，一下子推翻我覺得女朋友一定要係「樣靚身材正」嘅傳統迂腐思想。
每當佢講到好興奮，就會不其然接觸到我隻手同膊頭。細個媽咪已經教落，人地點對你你就要點對返人。既然憶圻都做主動，我都豁出去借啲機會彈下佢掂下佢，幸好佢亦無縮。如此嘅交流就係咁來來回回，行雲流水如巴塞嘅MSN攻門一樣。
最令我估唔到，喺憶圻心目中我有超過90分。但呢刻嘅我，分數已經唔重要，我只係想好好享受呢場90分鐘嘅賽事。
憶圻參數
攻擊力：**
防禦力：**
續航力：****
親和力：****
摩擦力：****
［待續］
===================================
ViuTV
波盛
+886MM 逢星期五晚 免費電視99台 ViuTV
重溫：http://viu.tv/encore/886-mm
#viutv #886MM #波盛 #憶圻 #我越寫越長 #其實唔知有無人會有心機睇 #你估我係屈小姐咩 #啲文咁多人share #毒L就是自得其樂 #吹咩
Search